نشرت الفنانة المغربية ليلى البراق تدوينة عبر حسابه الخاص بموقع التواصل “انستغرام” تتعلن من خلالها الرجوع عن قرار اعتزالها للفن.
ودونت “البراق” قائلة: “التجربة اللي فاتت واللي ما توفقتش فيها ومن بعد مدة ديال الراحة واسترجاع الأنفاس خلاتني نشوف عدة جوانب ايجابية وغادي تنفعني في حياتي: اول حاجة مهما فعلنا فلن نسلم من كلام الناس هادشي علاش الانسان يرفد ألهم غير لعلاقته مع سيدي ربي ويحاول يصلح راسه وما يظلمش الناس قصدا لانه كلشي فايت و كاينين ناس عندهم ابتلاءات أكثر من انه الانسان يفشل في مسابقة او امتحان..”.
وأضافت ليلى قائلة: “تاني حاجة هده التجربة زادت قواتني لأن الضربة اللي ما تقتل كتقوي نعم وقوتي اخديتها من دعمكم وحبكم اللامشروط اللي اعطاني مسؤولية أكبر باش نخدم على شي عمل جديد في المستوى اللي يخليكم تزيدوا تفتخرون بي”.
وختمت تدوينتها : “تالت حاجة في وقت الشدة كنعرفو الناس اللي كيبغيونا ديال بصح من الناس اللي كانوا ينافقونا وغير وقع لي مشاكل صغير ما بقاوش بانو ولا اتصلوا وأخيرا وهادي أهم حاجة واخا هدا الميدان ملوث لكن باقي الخير والدليل على ذلك التفاعل الإيجابي اللي تلقيته من عدد كبير من الفنانين المغاربة ودعمهم لموهبتي وتشجيعاتهم لي اللي خلاوني نعيد النظر ونجدد الامل في مشواري الفني المتواضع”.
