منال الصديقي.. ” الورم لي لقيت فالثدي ديالي حميد وغير خبيث”

وشاركت الصديقي مع محبيها عبر خاصية الستوري ماجرى معها خلال الأيام القليلة الماضية قائلة :”من بعد آخر سطوري لي نزلت ولبارح توصلت ببزاف ديال الميساجات من عند الأصدقاء و الصديقات والمتابعين الأعزاء كيسولو فيا جاوبت على لي قدرت عليه و كان السبب ديالو أنني لقيت ورم فالثدي ديالي الثاني، الي خلاني نقطع العطلة د العيد و نرجع كنجري لكازا باش نشوف أقرب موعد مع الدكتور ديالي فالرباط و ندوز عليه خصوصا أني أهملت الكنترول ديالي فالسنوات الأخيرة”.

وتابعت :” الشيء الي خلاني نرجع بالذاكرة ديالي قبل ست سنوات و ندوز نفس المراحل فالكشف، و الفرق لي كان أن وقتها كانت ماما الله يرحمها واقفة معايا فكل خطوة فالمستشفى، و دابا كنت بوحدي الشيء الي خلاني نتحسر ونتألم نفسيا”.

وأضافت :”البارح جاتني النتائج ديال الماموغرافي جينيكو ماميغ و الإيكو أن الورم حميد وغير خبيث ومافيه خطر عليا في انتظار باقي النتائج المفرحة لباقي تحاليل الدم و المناعة وتحليلة أخرى نسيت ديالاش”.

وقالت :”دابا الحمد لله الأمور على ما يرام لحد الان، شكرا بزاف عائلتي أصدقائي والمتابعين الأعزاء على سؤالكم عني و رسائلكم و اهتمامكم ربي ما يضركم فصحتكم ولا حبيبكم ولا فقريبكم، و شكر خاص للطاقم الصحي الي كيهتم بالمواطن فكل الظروف”.