إلهام قراوي تكشف سبب غيابها عن مواقع التواصل الاجتماعي

عادت الهام قراوي من خلال مجموعة من التدوينات التي شاركتها عبر خاصية ستوري بحسابه الخاص بموقع التواصل الاجتماعي انستغرام قائلة :”سلام حبايبي اعتدر عن غيابي دون تفسير ولكن كنت محتاجة وقفة مع نفسي باش نرتاح من الضغط اتعرضت ليه مؤخرا مني بديت تسجيل أغنيتي الأخيرة هدا بالإضافة لتغييرات طرأت فحياتي الشخصية خلاتني غير متوازنة وما بقيتش عارفة شنو نغيت.

وتابعت في دات التدوينة:”تعودتو دائما تشوفوني فالسطوريات مرحة وخالقة السعادة ولكن المفاجأة لقيت راسي حتى سطورياتي ولات حزينة شي مرات وتعكس حالتي النفسية داكشي علاش كان لازم ناخد بريك ونعالج الوضع قبل ما ندخل فحالة اكتئاب ونضيع ويضيع كاع اللي بنيتو .

وفعلا لقيت راسي ماغاديش نخسر اغلى من اللي مشى عليا وهو بابا الله يرحمو ومع دالك حزني عليه ماردوش ليا.

وأضافت خلال تدوينة أخرى :”وارتطامي بصدمة لا يعني ان اموت بل هو حياة جديدة خالية من التقة جملة قالهالي شخص البارح بقات فالداكرة ديالي فيقاتني من اللي انا فيه.

بغيت نقوليكم شكرا من القلب على رسائلكم على الخاص سؤالكم عليا كل اللي اتاصلو بيا اصدقائي فنانين او بعيدين عن الميدان كلامكم ليا زوين ومشاعركم الصادقة كنقوليكم كنحبكم واعدكم برجوع اقوى ان شاء الله والاهم لا تتق بأحد و لا تتوسل لاحد ولا تتوقع اي شيء من أي أحد”.