ذكر الفنان الشعبي عادل الميلودي “أنا ما تنعرف حتى وزير، ولكن عزيز أخنوش خصو اكون رئيس حكومة، لأنه الوحيد لي غا افهم لهاذ البلاد، السيد يقترح برنامج”.
وأضاف الميلودي في فيديو بثه على موقع التواصل الاجتماعي يوتوب، أن “فئة كبيرة باغا أخنوش، وأنا منهم، وبغيت الشعب اعيش في الرفاهية، أنا عارف شي وحدين في العدالة والتنمية غا اعطيوني للراس، ولكن ما تيهمنيش، وهذا رأي ديالي، ورأيكم يحترم”.
ووجه الميلودي بالخطاب إلى القيادي داخل حزب العدالة والتنمية ورئيس المجلس البلدي للقنيطرة عزيز رباح بالقول “نتوما ما درتو والو، مشا عبد الإله بنكيران هو لي كان، ودار بزاف د الحوايج وما عجبكومش الحال، بقيتو حتى جريتو عليه، جبتو العثماني باش تقولو ليه لي بغيتو.”
وتابع بالقول “باش انعجبكم، انصاوب عليه أغنية على عزيز أخنوش، دابا شنو سرق ليكوم، شنو دا ليكوم، السيد لاباس عليه دورجين، واش قريتو البرنامج لي قال ليكوم، السيد واقف مع ولاد الشعب.” مضيفا “انا كمواطن مغربي بغيت عزيز أخنوش اكون رئيس حكومة، وخصكم تعاونو معاه، راه ماعندي لا مع سياسية، وعارف غا تقوا الهضرة، وتيخدم، وشحال هاذي كنت ضدو، وما خليت ما قلت فيه، ولكن ملي شت بعيني، مشا لـ 100 مدينة في المغرب، ووصل لشي قرى ما وصل ليها حتى واحد.”
