نشر الفنان مروان مروازي تدوينة عبر حسابه الخاص بموقع التواصل الإجتماعي “انستغرام” حول إعلان زوجته سناء عكرود خبر انفصالهما المفاجئ.
ودون مروان :” انا عندي جواج واحد حقيقي هو مع سناء، معنويا اقصد و مشاركة و كلشي ، اخترت سناء لانها شخص مريح و قلبي بغاها و هي لي سانداتني و بقوة”.
وعن شائعة ارتباطه بفتاة أخرى قال الفنان:” الناس لي كتقول شفت جهة أخرى، سناء كتطلع البارة ، فما كتخليكش تشوف و لا تقلب، كيبان كلشي قدامها شاحب و تقليد، ماكنبالغش، كنكول الحقيقة لان ظلمتوها بزاف و ماتعطاهاش حقها فالاعتراف الإنساني”.
وعن سبب انفصالهما، أكد مروان أن ارتباطه بسناء أكبر من عقد قران :”ذيك الورقة ديال والو لاشيء قدام الحياة و العائلة و المشاركة ديالي انا وياها، الزواج مرحلة و جزء صغير و ثانوي قدام الحياة الكبيرة و العامرة لي عطاتني سناء، اه غنكون مسؤول عليها دايما و غتكون مسؤولة عليا، اه دابا غندافع عليها اكثر حيث هي عائلتي، مابقاتش مراتي، هي أكبر، هي عائلتي منبعد وليديا و خوتي، و الولاد كيجيو منبعدها حيث هي لي دارتهم ليا”.
وختم مروان قائلا:”كان ضروري نهضر لأن سناء عمرها ما غدافع على رأسها حيث بالنسبة ليها إهدار للوقت و الطاقة شكرا للناس المحترمين و تسناونا فاعمال و تسناو سناء فمشاريع زوينة و ممتعة”
