رياضة

أنس الزنيتي: الفيديو المتداول ماشي مع جمهور الرجاء، وكنعتاذر على النتائج الأخيرة

خرج حارس مرمى الرجاء الرياضي أنس الزنيتي ، بتوضيح يخص الفيديو المتداول له على وسائل التواصل الاجتماعي ، وهو في حالة عصبية والمدرب سابينتو يحاول منعه من الشجار مع أحد الاشخاص، مشيرا أن الواقعة لا تخص جمهور الرجاء ، ومشددا على أن النتائج الأخيرة للفريق الأخضر لا تشرفه.

ودون الزنيتي عبر انستغرام: “سهل جدا فاللحظات العصيبة تبقى ساكت وتسنا الأمور تصلح وترجع كيف كانت … لكن فضلت نخرج نوضح بزاف الأمور كواحد من هاد الفريق وكواحد من المسؤولين على هاد النتائج اللي مكتشرفنيش أنا أولا ومكتشرف حتى رجاوي ”

وتابع في تدوينته :”بالنسبة للفيديو المتداول فهو لا علاقة له بجمهور الرجا اللي ميمكنش لي نتطاول على أي فرد رجاوي تحمل مشقة السفر لاخر نقطة فافريقيا باش يساندني ويساند الفريق … المشكل كان مع افراد الحراسة اللي كانو تيستفزو فالفريق ويصورو بهواتفهم وعلى العكس راه التقينا بجماهيرنا خارج الملعب وفالفندق وحتى المطار وكان هناك انتقادات منهم وتقبلتها لانه بكل بساطة هذاك حقهم المشروع”.
وواصل :”بالنسبة للنتائج الأخيرة … فالأكيد حتى واحد ماغادي يكون راضي عليها لانها مكتعكسش تطلعات وطموحات الجماهير أولا وحنا اللاعبين والفريق ككل … أعتذر بالنيابة على كل اللاعبين على هاد النتائج الأخيرة ولو أني عارف هاد الاعتذار ما عندو حتى دور دابا ولكن من الواجب علي نخرج نعتذر لاي واحد رجاوي قصرنا فحقو”.
واختتم :”ماغاديش نوصيكم ولا نطلبكم تكملو فالمساندة والوقوف خلف الفريق لانه هادشي ما غريبش عليكم وفالاخير كلشي راحل وغيبقى الفريق والجمهور دائما حاضرين، تنكرر الاعتذار ديالي مجددا للجميع”.

إعلان

قد يعجبك ايضا

Back to top button
Close
Close